Մաքսֆիլդ Փերիշը (25 հուլիս, 1870 - 30 մարտ 1966) ամերիկացի նկարիչ և գրքի ձևավորող էր` ծնված Ֆիլադելֆիայի Փենսիլվանիա քաղաքում: Նրա աշխատանքները հիմնականում պատկերում են միֆական հերոսներ և հեքիաթային տեսարաններ:
Երեք նկարները առանձնացրել եմ, որպես ամենաուղիղ և ամենաբացահատ հղումներ ռոմանտիզմի պատկերային շարքին: Փերիշը ինչպես իր ժամանակի և իրեն հաջորդած շատ նկարիչներ համալրել է այն նկարների բազմությունը, որը հիմա անվանում ենք կիտչային: Այստեղ տեղին է ասել, որ ռոմանտիզմը եղել է այն ելակետերից մեկը, որից օգտվել և օգտվում է կիտչը` փոխառելով թե’ կերպարները, թե’ կոմպոզիցիոն և գունային լուծումները:
Կիտչային մշակույթի էկլեկտիկ բնույթը ենթադրում է այդ փոխառումը, և ռոմանտիզմի պատկերային շարքի համապատասխանությունը, որպես “գրավիչ” և կոմերցիոն նպատակներին բավական հարմար աղբյուր, տրամաբանական է դարձնում այդ փոխառումը: Բնականաբար, կիտչը, հանդիսանալով ունիվերսալ մշակույթ, ինչպես Գրինբերգն է ձևակերպել, ներառում և “մի կաթսայի մեջ ձուլում է” բազմաթիվ ոճեր և ողղություններ և ռոմանտիզմը ստանում է նորանոր փոխակերպումներ ու վերամարմնավորումներ:
Ես առաջարկում եմ խոսել այդ նոր մշակույթային սինթեզների ու ձուլումների արդյունքների մասին, որի մեջ, իհարկե, անմասն չէ ռոմանտիզմը իր “սենսիբիլիտե”-ով, “ավերակներով” ու “պատուհաններով դեպի ալեկոծ ծով”:
Որպես խոսակցության խթան կամ ցատկահարթակ:) (անվանեք ոնց կուզեք) “post” եմ անում հետևյալը….
